Orientalstudies.az

AMEA-nın akademik Ziya Bünyadov adına Şərqşünaslıq İnstitutunda “Şərq ədəbi-filoloji fikir tarixində Məhəmməd Füzulinin yeri” adlı məqalələr toplusu işıq üzü görüb.

Görkəmli Azərbaycan şairi Məhəmməd Füzulinin bədii yaradıcılığına həsr olunmuş məqalələr topluda 4 bölmədə təqdim edilib. Məqalə müəllifləri sırasına Azərbaycanla yanaşı Türkiyə və Özbəkistandan olan alimlər də yer alırlar.

AMEA-nın akademik Ziya Bünyadov adına Şərqşünaslıq İnstitutunun “Şərq filologiyası məsələləri” məqalələr toplusunun 12-ci buraxılışı işıq üzü görüb.

Topluya daxil edilən məqalələr Yaxın və Orta Şərq ədəbiyyatının aktual problemlərinə həsr olunub. Məqalələr böyük regionu, həmçinin orta əsrlərdən başlayaraq bu günə qədər davam edən geniş dövrü əhatə edir.

Martın 5-də AMEA-nın akademik Z.M.Bünyadov adına Şərqşünaslıq İnstitutunda 8 Mart – Beynəlxalq Qadınlar Günü münasibətilə tədbir keçirilib.

Tədbirdə Şərqşünaslıq İnstitutunun elmi işlər üzrə direktor müavini, f.ü.f.d., dosent Ruhəngiz Cümşüdlü, AMEA Azad Həmkarlar İttifaqı sədrinin müavini Şəhla Əmirova, İnstitutun Həmkarlar təşkilatının sədri, t.ü.f.d., dosent Sübhan Talıblı, İnstitutun Cənubi Azərbaycan şöbəsinin müdiri, t.ü.f.d., dosent Səməd Bayramzadə iştirak ediblər.

AMEA-nın akademik Z.M.Bünyadov adına Şərqşünaslıq İnstitutunun Şərqşünaslıq elminin tarixi və nəzəriyyəsi şöbəsinin aparıcı elmi işçisi, pedaqogika üzrə fəlsəfə doktoru Lalə Mikayılzadənin  “Azərbaycan Kurikulum təhsil modelində rabitəli nitqin inkişaf məsələləri” adlı elmi məqaləsi Türkiyənin “Akademik Tarih və Düşünce” jurnalında dərc edilib.