Orientalstudies.az

AMEA-nın akademik Ziya Bünyadov adına Şərqşünaslıq İnstitutunun böyük elmi işçisi, filologiya üzrə fəlsəfə doktoru Şahanə Şahbazova və elmi işçisi Fidan Nəsirova Yaxın Şərq Universiteti, Rumi Araşdırmalar Mərkəzi, Xəzər Universiteti, Mövlana Ədəbi-Fəlsəfi Araşdırmalar Mərkəzinin birgə təşkilatçılığı ilə Şimali Kipr Türk Cümhuriyyətinin Lefkoşa şəhərində keçirilən X Beynəlxalq Rumi Konfransında iştirak ediblər.

AMEA-nın akademik Ziya Bünyadov adına Şərqşünaslıq İnstitutunun Türk filologiyası şöbəsinin baş elmi işçisi, Azərbaycan Dövlət Pedaqoji Universitetinin professoru, filologiya elmləri doktoru Elman Quliyev Beynəlxalq Türk Mədəniyyəti Təşkilatının (TÜRKSOY) medalı ilə təltif edilib.

İnstitutdan AZƏRTAC-a bildirilib ki, medal şərqşünas-alimə onun “Türk xalqları ədəbiyyatı” kitabının TÜRKSOY Baş Katibliyində keçirilən təqdimat tədbirində təqdim edilib.

Professor Elman Quliyevin bu irihəcmli kitabı türkdilli xalqların ədəbi mirasını tarix boyu formalaşan vahid bir sistem kimi nəzərdən keçirən qabaqcıl bir araşdırmadır.