Orientalstudies.az

AMEA-nın prezidenti akademik İsa Həbibbəyli, akademik Ziya Bünyadov adına Şərqşünaslıq İnstitutunun kollektivi və respublika elmi ictimaiyyətinin nümayəndələri oktyabrın 10-da görkəmli şərqşünas, filologiya elmləri doktoru, professor Aida İmanquliyevanın anadan olmasının 86-cü ildönümündə alimin məzarını ziyarət edib, xatirəsini dərin ehtiramla anıb, məzarı üzərinə əklil qoyublar.

Oktyabrın 6-da Qazaxıstanın R.B.Süleymenov adına Şərqşünaslıq İnstitutunun direktoru, filologiya elmləri dikotru, professor Duken Məsimxanulinin rəhbərlik etdiyi nümayəndə heyəti AMEA-nın akademik Ziya Bünyadov adına Şərqşünaslıq İnstitutunda AMEA-nın vitse-prezidenti, Şərqşünaslıq İnstitutunun direktoru akademik Gövhər Baxşəliyeva ilə görüşüblər. Görüşdə Qazaxıstan Şərqşünaslıq İnstitutunun əməkdaşları - fəlsəfə doktorları Bolat Smaqulov və Saqiniş Amirbekova da iştirak edirdilər.

AMEA-nın akademik Ziya Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin müdiri, tarix üzrə fəlsəfə doktoru, dosent Namiq Məmmədov oktyabrın 1-3-də Qazaxıstanın Türküstan şəhərində Əhməd Yasəvi Universitetinin təşkil etdiyi XI Beynəlxalq Türkoloji Konfransda iştirak edib.

Oktyabrın 3-də AMEA-nın akademik Ziya Bünyadov adına Şərqşünaslıq İnstitutunda "Bəxtiyar Vahabzadə və Türk dünyası" adlı elmi sessiya keçirilib.
Elmi sessiyanı giriş sözü ilə açan AMEA-nın vitse-prezidenti, Şərqşünaslıq İnstitutunun direktoru akademik Gövhər Baxşəliyeva bu il görkəmli Azərbaycan şairi Bəxtiyar Vahabzadənin anadan olmasının 100 illiyinin qeyd edildiyini söyləyərək, Azərbaycan Respublikasının Prezidenti İlham Əliyevin bununla bağlı 21 fevral 2025-ci il tarixində Sərəncam imzaladığını xatırladıb. Akademik G.Baxşəliyeva Bəxtiyar Vahabzadənin Azərbaycanda milli ruhun formalaşmasında müstəsna rol oynamış şair olduğunu deyərək, onun daim öz bədii yaradıcılığında və çıxışlarında milli məsələləri, ana dili məsələsini qaldırdığını qeyd edib.