Orientalstudies.az

 Oktyabrın 27-də Bakıda VII Ümumdünya Mədəniyyətlərarası Dialoq Forumu çərçivəsində “Sülh quruculuğu sənəti: mədəni diplomatiyanın gücündən istifadə” adlı tədbir təşkil olunub.

Bakıda keçirilən VII Ümumdünya Mədəniyyətlərarası Dialoq Forumu Azərbaycanın beynəlxalq aləmdə artan nüfuzuna dəlalət etməklə yanaşı, ölkəmizin qlobal və regional proseslərdə fəal iştirakını bütün dünyaya nümayiş etdirir. Azərbaycan Respublikasının Prezidenti İlham Əliyev tərəfindən əsası qoyulan bu proses dövlətimizin beynəlxalq miqyasda nüfuzunun artmasında, mədəniyyətlərarası və dinlərarası münasibətlərin güclənməsində və beynəlxalq əməkdaşlıq imkanlarının genişlənməsində mühüm əhəmiyyət kəsb edir.

Oktyabrın 28-də AMEA Qadınlar  Şurası və AMEA Azad Həmkarlar İttifaqının birgə təşkilatçılığı ilə Vətən müharibəsi memorial kompleksi və Zəfər muzeyi ziyarət edilib.AMEA Qadınlar Şurası İdarə Heyəti üzvləri və Qadın Təşkilatı sədrləri və müavinləri tədbirdə iştirak ediblər. AMEA akad. Z.M.Bünyadov adına Şərqşünaslıq İnstitutunu tədbirdə institutun Qadınlar Şurasının sədri Xanımzər Kərimova və müavini Lalə Mikayılzadə təmsil ediblər.

Dialoq körpülər qurmaq, qarşılıqlı anlaşmanı təşviq etmək və insanları bir-birinə daha da yaxınlaşdırmaq deməkdir. Dünyamızın dialoqa və empatiyaya hər zamankından daha çox ehtiyac duyduğu bir dövrdə "Sülh quruculuğu sənəti: parçalanmış dünya üçün universal dil” nəşri mühüm mesaj verir: Mədəniyyət, xüsusilə də dialoq mədəniyyəti, hətta münaqişələr zamanı belə, özümüzü başqalarında görməyimizə kömək edə bilər.