Orientalstudies.az

AMEA-nın akademik Z.M.Bünyadov adına Şərqşünaslıq İnstitutunun İran filologiyası şöbəsinin elmi işçisi Fidan Nəsirova İranda keçirilən I Beynəlxalq Persepolis Elmi Araşdırmalar və İnnovasiyalar Konfransında onlayn iştirak edib. “Həyat təcrübələrinin paremik vahidlərdə əksi” adlı məruzədə  tədqiqat predmeti kimi Məhəmməd Mirkiyaninin “Raz-e məsəlha-ye ma” (Bizim məsəllərimizin sirri) əsəri təhlilə cəlb edilib, özündə dərin mənaları ehtiva edən, cild-cild kitablar dolusu hikməti daşıyan bu el yaradıcılığı nümunələrinin yaranma mənbələri, etimologiyası, tədqiqi tarixi ilə əlaqəli məlumatlar əksini tapıb. Qeyd olunub ki, hər bir xalqın milli təfəkküründə cilalanmış tarixi təcrübənin, bədii idrak və təxəyyülün  təsdiqi olan ataların sözləri digər tərəfdən milli olduğu qədər də bütün insanlığa xitabı ilə əlaqədar ümumbəşəridir.

AMEA-nın Əsas binasının ərazisində yaz mövsümü ilə əlaqədar olaraq təmizlik, abadlaşdırma və yaşıllaşdırma işləri davam edir.

AMEA-nın prezidenti akademik İsa Həbibbəyli və Akademiyanın Rəyasət Heyətinin üzvləri Azərbaycan Milli Elmlər Akademiyasının şəhərciyində yerləşən Nadir ağaclar parkında növbəti dəfə yaşıllaşdırma və abadlaşdırma işləri ilə tanış olub və əraziyə baxış keçiriblər.

AMEA-nın akademik Ziya Bünyadov adına Şərqşünaslıq İnstitutunun Türk filologiyası şöbəsinin müdiri filologiya üzrə fəlsəfə doktoru, dosent Səriyyə Gündoğdunun “XIX əsrdə yeni türk ədəbiyyatının yaranması və inkişafı” adlı kitabı çapdan çıxıb.

Yeni Azərbaycan Partiyası Neftçala rayon təşkilatı və Azərbaycan Milli Elmlər Akademiyasının akademik Ziya Bünyadov adına Şərqşünaslıq İnstitutunun birgə təşkilatçılığı ilə “Konstitusiya və Suverenlik İli” çərçivəsində “Suveren Azərbaycan Ulu Öndər Heydər Əliyevin şah əsəridir” adlı ümumrayon tədbiri keçirilib. Tədbir Ulu Öndər Heydər Əliyevin anadan olmasının 102-ci ildönümünə həsr edilib.