Orientalstudies.az

16 iyun 2026-cı il saat 12.00-da Azərbaycan Respublikasının Prezidenti yanında Ali Attestasiya Komissiyasının Azərbaycan Milli Elmlər Akademiyası akademik Z.M.Bünyadov adına Şərqşünaslıq İnstitutu  nəzdində fəaliyyət göstərən FD 1.18 Dissertasiya şurasının bazasında yaradılmış BFD 1.18 Birdəfəlik dissertasiya şurasınıniclasında 5711.01 – “İran dilləri” ixtisasında filologiya üzrə fəlsəfə doktoru elmi dərəcəsi almaq üçün təqdim edilmiş dissertasiya işinin müdafiəsi keçiriləcək.

AMEA-nın akademik Ziya Bünyadov adına Şərqşünaslıq İnstitutunun rəqəmsal inkişaf və süni intellekt üzrə direktor müavini fəlsəfə üzrə fəlsəfə doktoru, dosent Elnur Mustafayev iyunun 9-da Milli QHT Forumunun təşkilatçılığı ilə "Uşaqların rəqəmsal təhlükəsizliyi, zərərli asılılıqdan qorunması" mövzusunda keçirilən ictimai müzakirədə çıxışçı qismində iştirak edib.

İyunun 3-də AMEA-nın akademik Z.M.Bünyadov adına Şərqşünaslıq İnstitutunda görkəmli şərqşünas alim akademik Əbdülkərim Əlizadənin 120 illik yubileyinə həsr olunmuş “Akademik Əbdülkərim Əlizadə Azərbaycan şərqşünaslıq elminin banilərindən biri kimi” mövzusunda elmi sessiya keçirilib.

AMEA-nın akademik Z.M.Bünyadov adına Şərqşünaslıq İnstitutunun aparıcı elmi işçisi, filologiya üzrə fəlsəfə doktoru, dosent Lalə Əliyeva Rusiya Federasiyasının Barnaul şəhərində Altay Dövlət Universitetində keçirilən “İsmayıl Qaspıralı: maarifçi, naşir, pedaqoq” mövzusunda beynəlxalq elmi konfransda iştirak edib. Şərqşünas alim konfransda “İsmayıl Qaspıralının türk xalqlarının maariflənməsində rolu (Azərbaycan nümunəsində)” mövzusunda məruzə ilə çıxış edib.