Orientalstudies.az

AMEA-nın akademik Ziya Bünyadov adına Şərqşünaslıq İnstitutunun Şərq-Qərb şöbəsinin böyük elmi işçisi, filologiya üzrə fəlsəfə doktoru Ülkər Səmədova 17-20 oktyabr tarixlərində Qazaxıstanın “Əhməd Yəsəvi” Universitetinin təşkilatçılığı ilə keçirilən və Rusiya, Türkiyə, Özbəkistan, İran, Qırğızıstandan bir çox türkoloqun da qatıldığı X Beynəlxalq Türkoloji Konfransda iştirak edib.  Ülkər Səmədova onlayn qatıldığı konfransda “Son illərdə Azərbaycanda Türkiyə türkcəsi ilə bağlı  aparılan tədqiqatlar” adlı məruzə ilə çıxış edib.

AMEA-nın akademik Ziya Bünyadov adına Şərqşünaslıq İnstitutunun Din və ictimai fikir şöbəsinin aparıcı elmi işçisi, fəlsəfə üzrə fəlsəfə doktoru, dosent Leyla Məlikova oktyabrın 13-19-da Türkiyənin İstanbul şəhərində keçirilən "Mərkəzi Asiya müsəlmanları XXI əsrdə: çağırışlar, imkanlar, perspektivlər" mövzusunda Beynəlxalq elmi forumda iştirak  edib.

AMEA-nın akademik Ziya Bünyadov adına Şərqşünaslıq İnstitutunun şöbə müdiri, fəlsəfə elmləri doktoru, professor Roida Rzayeva 11-15 oktyabr 2023-cü il tarixlərində Türkiyənin Ankara şəhərində keçirilən XXI Beynəlxalq Türk Dünyası Sosial Elmlər Konqresində iştirak edib. Türk Dünyasında akademik, sosial, iqtisadi və təhsil sahələrdə əməkdaşlığı hədəfləyən beynəlxalq konqres Türkiyə Cümhuriyyətinin yaranmasının 100 illiyi münasibəti ilə Qazi Universitetində təşkil edilib. Tədbirə 14 ölkədən iştirakçı qatılıb.

AMEA-nın akademik Ziya Bünyadov adına Şərqşünaslıq İnstitutunun kollektivi oktyabrın 10-da görkəmli şərqşünas, filologiya elmləri doktoru, professor Aida İmanquliyevanın anadan olmasının 84-cü ildönümündə alimin məzarını ziyarət edib, xatirəsini dərin ehtiramla anıb, məzarı üzərinə əklil qoyub.