Orientalstudies.az

Rusiya Xalqlar Dostluğu Universitetinin Strateji Araşdırmalar və Proqnozlar İnstitutunun direktor müavini, siyasi elmlər namizədi Maksim Yurakov, Rusiya Elmlər Akademiyasının İctimai Elmlər üzrə Elmi İnformasiya İnstitutunun Yaxın və postsovet Şərq şöbəsinin əməkdaşları Alina Sbitneva və Razil Quzaerov sentyabrın 15-də AMEA-nın akademik Ziya Bünyadov adına Şərqşünaslıq İnstitutunda olublar.

Oktyabrın 29-da Türkiyə Cümhuriyyətinin qurulmasının 100 ili tamam olur.  Bu əlamətdar yubiley təkcə qardaş Türkiyə üçün deyil, bütün Türk dünyası üçün qürur mənbəyi olan bir tarixdir.

Bu əlamətdar tarixlə bağlı il ərzində bir sıra tədbirlər həyata keçirən AMEA-nın akademik Ziya Bünyadov adına Şərqşünaslıq İnstitutu 20 və 21 sentyabr 2023-cü il tarixində Türkiyə Cümhuriyyətinin qurulmasının 100 illik yubileyinə həsr olunmuş “Müsəlman Şərqinin çoxəsrlik tarixində dönüş nöqtəsi – Türkiyə Cümhuriyyəti” mövzusunda beynəlxalq elmi konfrans keçirəcək.

AMEA-nın akademik Ziya Bünyadov adına Şərqşünaslıq İnstitutunda “Nazim Hikmət – 120” mövzusunda beynəlxalq elmi konfransın tezisləri çapdan çıxıb.

Nəşrdə Şərqşünaslıq İnstitutunun keçirdiyi konfransda səslənən 34 məruzənin tezisi dərc olunub.

AMEA-nın akademik Ziya Bünyadov adına Şərqşünaslıq İnstitutunun Din və ictimai fikir şöbəsinin müdiri, institutun Gənc Alim və Mütəxəssislər Şurasının sədri fəlsəfə üzrə fəlsəfə doktoru Elnur Mustafayev Türkiyə Cümhuriyyətində elmi ezamiyyətdədir.

Şərqşünas alim elmi ezamiyyətdə olduğu müddətdə əlyazma kitablar və arxiv sənədlər əsasında orta əsrlər Azərbaycan tarixi sahəsində tədqiqatlar aparır. E.Mustafayev bu məqsədlə İstanbul şəhərində yerləşən bir çox kitabxanalarda olub, ələlxüsus qədim və nadir əlyazmaların qorunduğu Süleymaniyyə, Bəyazid və sairə fondlarda araşdırmalar aparıb.