Aida İmanquliyevanın anadan olmasının 77-ci il dönümü günü edilən ziyarətdə Şərqşünaslıq İnstitutunun direktoru, Milli Məclisin deputatı, AMEA müxbir üzvü Gövhər Baxşəliyeva və Ailə, Qadın və Uşaq Problemləri üzrə Dövlət Komitəsinin sədri Hicran Hüseynova çıxış edərək böyük alimin keçdiyi həyat yolundan, zəngin və dəyərli elmi fəaliyyətindən danışıbar.
H.Hüseynova A.İmanquliyevanın şərqşünaslıq elmində bir məktəb yaratdığını qeyd edib, Aida xanımın bir qadın, ana, həyat yoldaşı kimi də Azərbaycan qadınına örnək bir ömür yaşadığını deyib.
G.Baxşəliyeva A.İmanquliyevanın dünya şərqşünaslıq elminə böyük töhfələr verdiyini deyib, onun müasir ərəb ədəbiyyatı sahəsində əsərlərinin elmi əhəmiyyətini vurğulayıb. Gövhər xanım Aida xanımın məhcər ərəb ədəbiyyatına aid elmi əsərləri səviyyəsində ərəb ölkələrinin özündə belə əsərlər yazılmadığını qeyd edib və bu əsərlərin 100 illərlə dünya şərqşünaslıq elmində yaşayacağını deyib.
