Deutschland online bookmaker http://artbetting.de/bet365/ 100% Bonus.

Şərqşünaslıq İnstitutunun əməkdaşı Türkiyədə keçirilən beynəlxalq konfransda məruzə edib

04 İyun 2025

AMEA-nın akademik Z.M.Bünyadov adına Şərqşünaslıq İnstitutunun Şərqşünaslıq elminin tarixi və nəzəriyyəsi şöbəsinin elmi işçisi Hilal Ağamoğlanov Türkiyədə Ankara Universiteti, Qars Qafqaz Universiteti və TÜRKSAN-nın birgə təşkilatçılığı ilə baş tutan görkəmli cərrah və türkoloq alim Cavad Heyətin 100 illiyinə həsr olunmuş “Milli kimlik və ideologiya: türkləşmək, müasirləşmək, islamlaşmaq” adlı beynəlxalq elmi konfransda iştirak edib. Konfransa Türkiyə, Azərbaycan, İtaliya, İsveç, Rusiya, Özbəkistan, Qazaxıstan, Gürcüstan, Ukrayna və digər ölkələrdən elm adamları qatılıblar.

 

Konfransda “İraqdakı dini-elmi hövzələrdə Azərbaycan mirası – İrəvani və Badkubeyi mədrəsələri” adlı məruzə ilə çıxış edən Hilal Ağamoğlanov Azərbaycanın İraqda dini-elmi və mədəni mirası olan tədirs mərkəzlərinin təsis tarixləri, bu elmi ocaqların fəaliyyət və nailiyyətləri, dini-ictimai fikrin formalaşmasına təsirləri barədə apardığı araşdırmalar barədə məruzə ilə çıxış edib. Məruzəçi Azərbaycanın tarixi torpağı olan İrəvanın islam alimlərinin Nəcəf şəhərində təsis etdikləri və 100 ildən artıq müddətdə mövcud olmuş İrəvani mədrəsəsi, həmçinin Kərbəla və Nəcəf şəhərlərində fəaliyyət göstərmiş Badkubeyi mədrəsələri haqqında geniş məlumatları beynəlxalq konfrans iştirakçılarının diqqətinə çatdırıb.

Konfrans materialları nəşr olunaraq elmi ictimaiyyətin ixtiyarına verilib.

Download Template Joomla 3.0 free theme.