Misirdə də mövcud olan şirin su problemindən danışan G.Qafqaslı bu ölkənin ərazisinin böyük və əhalisinin çox olduğundan suya ehtiyacının günbəgün artmaqda olduğunu bildirib: “Misirin içməli suyunu təmin edən təbii "su quyusu" Nil çayıdır. Nilin suyu həm içmək, həm kənd təsərrüfatı, həm sənayedə və digər sahələrdə də istifadə edilir. Lakin su ehtiyacını ödəmək üçün bu yetərli deyildir və məsələnin həlli üçün Misir prezidenti yeni layihələrin həyata keçirilməsinə öz razılığını vermişdir. Belə ki, içməli su üçün Misiri əhatə edən Aralıq dənizi və Qırmızı dənizin sularını şirin suya çevirmək müəyyən qədər də olsa problemin həlli yolunda atılan bir addımdır. Sözsüz ki, bu problemin həlli üçün yalnız dəniz sularının şirin suya çevrilməsi deyil, eyni zamanda digər həll yolları da həyata keçirilməsi üçün layihələrin hazırlanması və istifadə edilməsi düşünülmüşdür.