Tarix boyu Türkiyə və Azərbaycan arasında sarsılmaz dostluq və qardaşlıq münasibəti mövcud olub. Qarşılıqlı etimad, səmimi münasibətlər, yüksək səviyyəli əməkdaşlıq əsasında qurulan Azərbaycan – Türkiyə əlaqələri daim möhkəmlənməkdədir. Azərbaycan və Türkiyə dövlətləri arasındakı münasibətlər bu gün hər iki ölkənin rəhbərliyi tərəfindən həyata keçirilən düzgün və məqsədyönlü siyasətin məntiqi nəticəsi olaraq daha yüksək səviyyəyə çatmışdır.
Türkiyə Cümhuriyyətinin 100 illik yubileyinin qeyd edilməsi məqsədilə AMEA-nın akad. Z.M.Bünyadov adına Şərqşünaslıq İnstitutu 20-21 sentyabr 2023-cü il tarixində “Müsəlman Şərqinin çoxəsrlik tarixində dönüş nöqtəsi - Türkiyə Cümhuriyyəti” adlı Beynəlxalq elmi konfrans keçirəcək.
Şərqşünaslıq İnstitutu konfransda iştirak üçün tezis qəbulunu elan edir. Konfransa Türkiyə tarixi, ədəbiyyatı, iqtisadiyyatı, siyasi və ictimai həyatı, Türkiyə - Azərbaycan əlaqələri və Türkiyə - türk dövlətləri münasibətlərinə dair elmi mövzuları əhatə edən tezislər təqdim oluna bilər. Tezislər Azərbaycan, türk, ingilis, rus, ərəb dillərində qəbul edilir.
Məruzə tezislərinin mətni 300-350 sözdən ibarət olmaqla, Microsoft Word redaktorunda “Times New Roman” şrifti ilə -14, sətirlərarası interval 1,5 olmaqla yazılmalıdır. Tezislər konfransın This email address is being protected from spambots. You need JavaScript enabled to view it. elektron ünvanında qəbul olunur. Tezislərin qəbulunun son tarixi 1 sentyabr 2023-cü il, qəbul olunan tezislərin elanı tarixi 7 sentyabr2023-cü ildir.
Konfransda iştirak etməyən müəlliflərin tezisləri çap olunmayacaq.
Ünvan: Bakı şəhəri, H.Cavid pr. 117, AMEA-nın Əsas binası, VII mərtəbə, akademik Z.M.Bünyadov adına Şərqşünaslıq İnstitutu, 715-ci otaq
Əlaqə telefonu: +994 50 700 01 89