Konfransın plenar iclasında Şərqşünaslıq İnstitutunun əməkdaşı Sevinc Nuriyeva elmi məruzə ilə çıxış edib. Tədbir çərçivəsində təşkil olunan elmi müzakirələrdə isə Aygün Əlizadə iştirakçıların suallarını cavablandıraraq müzakirələrə töhfə verib.
Konfransda Azərbaycan alimləri ilə yanaşı, Türkiyə, Pakistan və Litvadan olan tədqiqatçılar da iştirak ediblər. Beynəlxalq elmi platformada Nizami Gəncəvinin zəngin ədəbi-fəlsəfi irsinin öyrənilməsi, Azərbaycan və dünya nizamişünaslığının müasir istiqamətləri, eləcə də bu sahədə mövcud elmi problemlər ətrafında fikir mübadiləsi aparılıb.
Tədbirlər proqramı çərçivəsində Nizami Gəncəvinin məqbərəsində və Nizami Gəncəvi Muzeyində də elmi tədbirlər təşkil olunub.
Beynəlxalq konfrans və simpozium Nizami Gəncəvinin çoxşaxəli irsinin tədqiqi və təbliği, nizamişünaslıq sahəsində beynəlxalq elmi əlaqələrin genişləndirilməsi, eləcə də müxtəlif ölkələrin tədqiqatçıları arasında elmi əməkdaşlığın inkişafı baxımından əhəmiyyətli platforma olub.
