Şərqşünas alim konfransda “2002-2015-ci illərdə Türkiyədə hakimiyyət çevrilişi cəhdləri və onların nəticələri” mövzusunda məruzə edib. Məruzədə 2002-ci ildə Türkiyədə Ədalət və İnkişaf Partiyası hakimiyyətə gəldikdən sonra onun hakimiyyətini devirmək istiqamətində həyata keçirilmiş çevriliş cəhdləri –  Ergenekon, Balyoz, Gəzi Parkı hadisələri, Paralel dövlət təşkilatlanması və onların nəticələri araşdırılıb. Qeyd edilib ki, sözügedən proseslər nəticəsində bir tərəfdən Türkiyədə Ədalət və İnkişaf Partiyasının hakimiyyəti möhkəmlənmiş, ordunun dövlət işlərinə müdaxiləsinin qarşısı alınaraq hakimiyyətə tabe edilmiş, eyni zamanda bütün bunlar Paralel dövlət təşkilatlanmasının da hakimiyyətdə möhkəmlənməsinə şərait yaratmış, lakin sonda onların bütün planları ifşa olunmuşdur.